Leverkuzenning «Bayer» klubi posboni Andrey Lunyov yangi jamoadoshi Serdar Azmun bilan birga tushgan o‘z suratini ijtimoiy tarmoqqa joylashtirdi. Tegishli surat nemis klubining instagram sahifasida paydo bo‘lgan.

Eslatib o‘tamiz, avvalroq har ikki futbolchi Peterburgning «Zenit» jamoasi sharafini himoya qilgan bo‘lib, birgalikda sovrinlarni qo‘lga kiritishgan.

Hozir Lunyov operasiyadan keyin tiklanib, tayoqlar yordamida harakat qilmoqda. Azmun endigina klub lageriga yetib keldi. Kecha u tibbiy ko‘rikdan o‘tgan edi.