"Atletiko" himoyachisi Xose Mariya Ximenes 2019 yilning yozida "Barselona"ga o‘tishi mumkin edi. Bu haqda "Rac1" nashri xabar berdi.

Ma’lumotlarga ko‘ra, o‘sha vaqtda kataloniyaliklar urugvaylik himoyachining transferiga jiddiy qiziqish bildirishgan va "matraschilar"ga 50 million yevrolik taklif bilan chiqishgan. Ammo Madrid superklubi ushbu taklifni rad etib, himoyachini kamida 80 million yevroga qo‘yib yuborishini ma’lum qilgan.

Eslatib o‘tamiz, o‘sha transfer oynasida "Barselona" "Atletiko"dan 130 million yevro evaziga fransiyalik hujumchi Antuan Grizmanni sotib oladi.