Londonning “Chelsi” klubi himoyachi Antonio Ryudigerga yangi shartnoma taklif qildi, biroq nemis futbolchisi yana ingliz klubidan tushgan barcha takliflarni rad etdi. Bu haqda Daily Mail xabar bermoqda.
Manbaga ko‘ra, "Chelsi" Ryudigerga haftasiga 236 ming yevro maosh bilan shartnoma taklif qilgan. Avvalroq klub futbolchiga 166 000 yevro maosh taklif qilgan, ammo Ryudiger bu taklifdan norozi bo‘lib, rad javobini bergandi.
Himoyachi ayni damda haftasiga 118 ming yevro maosh oladi va maoshini katta miqdorda oshirishni ko‘zlamoqda. Ma’lum qilinishicha, Ryudiger mavsum oxirida "Chelsi"ni tekinga tark etsa, yangi jamoasida 473 ming funt sterling miqdorida maosh olishi mumkin.
