Лондоннинг “Челси” клуби ҳимоячи Антонио Рюдигерга янги шартнома таклиф қилди, бироқ немис футболчиси яна инглиз клубидан тушган барча таклифларни рад этди. Бу ҳақда Даилй Маил хабар бермоқда.
Манбага кўра, "Челси" Рюдигерга ҳафтасига 236 минг евро маош билан шартнома таклиф қилган. Аввалроқ клуб футболчига 166 000 евро маош таклиф қилган, аммо Рюдигер бу таклифдан норози бўлиб, рад жавобини берганди.
Ҳимоячи айни дамда ҳафтасига 118 минг евро маош олади ва маошини катта миқдорда оширишни кўзламоқда. Маълум қилинишича, Рюдигер мавсум охирида "Челси"ни текинга тарк этса, янги жамоасида 473 минг фунт стерлинг миқдорида маош олиши мумкин.
