Ser Aleks Fergyuson Angliya kubogining 1/16 final bosqichida bo‘lib o‘tgan «Manchester Yunayted» va «Midlsbro» klublari o‘rtasidagi uchrashuvni tomosha qilish uchun stadionga tashrif buyurdi. Uchrashuvning asosiy vaqti 1:1 hisobida yakunlangan bo‘lsa, penaltilar seriyasida omad mankunianliklardan yuz o‘girdi (7:8). O‘yin paytida telekameralar Fergyusonni bir nechta namoyish etishdi. «Yunayted» fanatlari ijtimoiy tarmoqlar orqali afsonaviy murabbiyga achinishayotganini ma’lum qilishdi.

«Men Fergyusonga «MYU» o‘yinlarini boshqa tomosha qilmaslikni maslahat bergan bo‘lardim. Bu yoshda uning sog‘lig‘i uchun zararli», — deya yozdi muxlislardan biri.

«Manchester Yunayted» bunday ahvolga tushib qolganini ko‘rish ser Aleks Fergyusonga og‘riqli bo‘lsa kerak», — qo‘shimcha qildi yana bir muxlis.

«Fergyusonning yuzidagi nafratga qarang», — deya yozdi uchinchi ishqiboz tvitter orqali.

Aleks Fergyusonning xayolidagi o‘ylar: «Bunday «Manchester Yunayted»ga nima deysiz?» — deya yozdi to‘rtinchi fanat.

«Ser Aleks Fergyuson ancha qarib qoldi. Bechora endi dam olsa bo‘lardi», — deydi yana bir "MYU" muxlisi.