"Everton" bosh murabbiyi Frenk Lempard jamoasining Angliya kubogi 1/16 finalida "Brentford" ustidan qozonilgan g‘alabasi (4:1) haqida fikr bildirdi.
“Muxlislarga qo‘llab-quvvatlaganliklari uchun faqat rahmat aytishim mumkin. Jamoa o‘yinining boshida ham, oxirida ham meni qo‘llab-quvvatlashdi. Bugun o‘ziga xos voqea bo‘ldi va buni hech qachon unutmayman. Bu yerda hammamiz "Gudison Park" effekti haqida gapiryapmiz.
G‘alaba meni ruhlantirdi. Endi biz xotirjam bo‘lishimiz va ligadagi muhim o‘yinlarni kutishimiz kerak. Hali qiladigan ishlarimiz ko‘p", - deya Lempard so‘zlarini keltirmoqda klub sayti.
"Everton" Angliya kubogidagi navbatdagi raqibini qur’adan keyin bilib oladi.
8 fevral, seshanba kuni jamoa Angliya chempionatining 24-tur uchrashuvini “Nyukasl”ga qarshi o‘tkazadi.
