Yarim himoyachi Ruslan Malinovskiy Italiya A seriyasining 24-turi doirasidagi “Kalyari”ga qarshi navbatdagi o‘yinda “Atalanta”ga yordam berishga tayyor bo‘ladi.
Avvalroq Malinovskiy koronavirus testi ijobiy bo‘lgani uchun “Inter” va “Lasio”ga qarshi liga o‘yinlarini o‘tkazib yuborgan, shuningdek, diskvalifikasiya tufayli Italiya Kubogida "Venesiya"ga qarshi o‘ynay olmagandi.
Ukrainalik yarim himoyachi oxirgi marta 9 yanvar kuni A Seriya doirasida "Udineze"ga qarshi o‘yinda maydonga tushib, gol va golli uzatmani amalga oshirgandi.
Malinovski joriy mavsumda “Atalanta” safida barcha turnirlar doirasida 23 ta o‘yin o‘tkazib, 6 ta gol urdi va 2 ta golli uzatmani amalga oshirdi.
A seriyaning “Atalanta” – “Kalyari” uchrashuvi 6 fevral kuni bo‘lib o‘tadi.
