Ярим ҳимоячи Руслан Малиновский Италия А сериясининг 24-тури доирасидаги “Кальяри”га қарши навбатдаги ўйинда “Аталанта”га ёрдам беришга тайёр бўлади.

Аввалроқ Малиновский коронавирус тести ижобий бўлгани учун “Интер” ва “Лацио”га қарши лига ўйинларини ўтказиб юборган, шунингдек, дисквалификация туфайли Италия Кубогида "Венеция"га қарши ўйнай олмаганди.

Украиналик ярим ҳимоячи охирги марта 9 январь куни А Серия доирасида "Удинезе"га қарши ўйинда майдонга тушиб, гол ва голли узатмани амалга оширганди.

Малиновски жорий мавсумда “Аталанта” сафида барча турнирлар доирасида 23 та ўйин ўтказиб, 6 та гол урди ва 2 та голли узатмани амалга оширди.

А сериянинг “Аталанта” – “Кальяри” учрашуви 6 февраль куни бўлиб ўтади.