«Real» bosh murabbiyi Karlo Anchelotti jamoa hujumchisi Eden Azar haqida gapirdi. «Qaymoqranglilar» ustozi Azarning yaxshi formada ekanligini ta’kidladi.
«U yaxshi mashg‘ulot o‘tkazmoqda va u haqida hech qanday shikoyatlar yo‘q. Nega u har doim kengaytirilgan tarkibga qo‘shilmaydi? Bu murabbiyning qarori. Ba’zida boshqa o‘yinchi tanlashga to‘g‘ri keladi.
Menda Azar bilan hech qanday ziddiyat yo‘q. Bu yerda shaxsiy xusumat yo‘q. Azar bilan hech qanday muammoyim yo‘q», - deydi Anchelotti.
Eslatib o‘tamiz, «Real Madrid» bugun tunda «Granada»ga qarshi bahs olib boradi.
