«Реал» бош мураббийи Карло Анчелотти жамоа ҳужумчиси Эден Азар ҳақида гапирди. «Қаймоқранглилар» устози Азарнинг яхши формада эканлигини таъкидлади.
«У яхши машғулот ўтказмоқда ва у ҳақида ҳеч қандай шикоятлар йўқ. Нега у ҳар доим кенгайтирилган таркибга қўшилмайди? Бу мураббийнинг қарори. Баъзида бошқа ўйинчи танлашга тўғри келади.
Менда Азар билан ҳеч қандай зиддият йўқ. Бу ерда шахсий хусумат йўқ. Азар билан ҳеч қандай муаммойим йўқ», - дейди Анчелотти.
Эслатиб ўтамиз, «Реал Мадрид» бугун тунда «Гранада»га қарши баҳс олиб боради.