Afrika millatlar kubogi o‘yinlaridan birida Sadio Mane boshidan jarohat olib, shifoxonaga olib ketildi. U yerda senegallik futbolchi hayotiga xavf tug‘diruvchi jarohatlar olgan farzandining davolanishi uchun to‘lovni to‘lay olmagan oila bilan uchrashdi.
Qayd etilishicha, Sadio Mane 400 ming G‘arbiy Afrika franki, ya’ni taxminan 600 yevroni bolaning davolanishi uchun to‘lagan. “Liverpul” futbolchisi uchun bunday summa muammo emasligi aniq.
Eslatib o‘tamiz, Senegal terma jamoasi finalda Misr terma jamoasini penaltilar seriyasida mag‘lub etib, Afrika Millatlar Kubogida g‘olib chiqqan edi.
