Африка миллатлар кубоги ўйинларидан бирида Садио Мане бошидан жароҳат олиб, шифохонага олиб кетилди. У ерда сенегаллик футболчи ҳаётига хавф туғдирувчи жароҳатлар олган фарзандининг даволаниши учун тўловни тўлай олмаган оила билан учрашди.
Қайд этилишича, Садио Мане 400 минг Ғарбий Африка франки, яъни тахминан 600 еврони боланинг даволаниши учун тўлаган. “Ливерпуль” футболчиси учун бундай сумма муаммо эмаслиги аниқ.
Эслатиб ўтамиз, Сенегал терма жамоаси финалда Миср терма жамоасини пенальтилар сериясида мағлуб этиб, Африка Миллатлар Кубогида ғолиб чиққан эди.
