Angliya futbolida ajoyib tarixga ega bo‘lgan “Manchester Yunayted” libosida maydonga tushish bu katta baxt bo‘lsa kerak. Ammo o‘sha jamoaning kelajagi sifatida sizni ko‘rishsa, bunday bosimni ko‘tarish ancha og‘ir bo‘lsa kerak. “Qizil iblislar” so‘zsiz dunyo bo‘yicha ko‘plab muxlislariga ega va o‘sha ishqibozlar sizdan juda ko‘p narsa talab qilsa, menimcha juda yoqimli bo‘lsa kerak. Yaqinda “mankunianliklar”ning kelajagi sifatida ko‘rilgan Meyson Grinvud nimalarga aralashib qolganidan ko‘pchilik habardor bo‘lsa kerak. Endi uning kelajagi nima bo‘lar ekan? Shu sababli stadion.uz yaqin o‘tgan yillar ichida “Manchester Yunayted”ning kelajagi deya atalgan, ammo o‘ziga bildirilgan ishonchni oqlay olmagan yoki yetarlicha imkoniyat berilmaganligi tufayli yo‘qolib qolgan 5 ta yosh futbolchi haqida so‘z olib boradi.
Diogu Dalo 22 yosh.
Portugaliyalik qanot himoyachisi yoshligidan ancha iqtidorli futbolchi hisoblanadi. U “Portu B” jamoasida porlagan va o‘sha klub libosida umumiy 23 o‘yinda maydonga tushib 2 bor raqib darvozasini ishg‘ol etgan. Shu tariqa 2017 yil “Portu”ning asosiy tarkibida Daloni ko‘ra boshladik. Portugaliya primyerasida futbolchi umumiy 6 o‘yinda maydonga tushdi va yarim yildan keyin uni “Manchester Yunayted”da ko‘ra boshladik. Ilk mavsum Dalo uchun yaxshi o‘tdi. U 16 o‘yinda maydonga tushib 2 golli uzatmani amalga oshirdi va ko‘plab futbol ishqibozlari MYUda yaxshigina qanot himoyachisi yetishib chiqaytgani haqida gapira boshladi.
Keyingi mavsum Dalo jaroxatlar tufayli jamoada o‘z o‘rnini yo‘qotib qo‘ydi va 4 uchrashuvda maydonga tushdi. “Manchester Yunayted” jarohatdan so‘ng Daloni jamoada olib qolishdan naf ko‘rmadi va navbatdagi mavsumda uni “Milan”ga ijaraga berib yubordi va portugaliyalik futbolchi A Seriya vakillari tarkibining ajralmas bo‘lagiga aylana oldi va jamoada 33 o‘yin o‘tkazib 2 golga mmualliflik qildi. Daloning ajoyib o‘yinini ko‘rgach MYU uni ortga qaytardi. Ushbu mavsum Dalo “qizil iblislar” tarkibida 12 o‘yinda maydonga tushib ulgurdi. Ammo “Milan”dagidek o‘yin namoyish eta olmayapti.
Brendon Uilyams 21 yosh.
Brendon MYU tarbiyalanuvchisi hisoblanadi. Uning uchun professional futbol 2019 yildan boshlangan. 2019-2020 yilgi mavsumda Brendon “qizil iblislar” tarkibida porladi va 42 uchrashuvda maydonga tushdi va 1 gol va 7 golli uzatmaga mualliflik qildi. Albatta bu 19 yoshli futbolchi uchun vjoyib ko‘rsatkich.
Keyingi mavsum Uilyams uchun unchalik yaxshi bo‘lmadi. U 19 uchrashuv o‘tkazdi va 1 golli uzatmani amalga oshirdi. O‘sha mavsum Brendon o‘yinida ancha pasayish kuzatildi va jamoa uning zaxirada ko‘p o‘tirib qolayotgani sabab boshqa jamoaga ijaraga berish haqida o‘ylab qoldi. Joriy mavsumda ingliz “Norvich” klubida to‘p tepmoqda. Chap qanot himoyachisi “kanareyka”lar safida ushbu mavsum 19 o‘yin o‘tkazib 1 golli uzatma amalga oshirdi. U Premyer liga autsayderlari safida o‘zini erkin his etmoqda. Balki MYU uni qaytarish haqida ham o‘ylab ko‘rar.
Taxit Chong 22 yosh
Familiyasidan osiyoliklarni eslatadigan niderlandiyalik 2016 yil “Feynord”dan “Manchester Yunayted” yoshlar jamoasiga olib kelingan va undan mutaxassislar ajoyib kelajakni talab qilgan. Ammo Taxit ularning ishonchini oqlay olmadi va shu sabab ijaradan-ijaraga o‘tib iqtidorini yo‘qotib bormoqda. Umumiy MYU tarkibida vinger 13 o‘yin o‘tkazgan va umuman foydali ish bajara olmagan.
Taxit “qizil iblislar” safida o‘zini ko‘rsata olmagach 3 jamoada ijara asosida to‘p tepmoqda. Avvaliga u “Verder” keyin “Bryugge” safida maydonga tushib umumiy 28 o‘yinda 2 gol kiritgan. Albatta bu vinger uchun yaxshi natija emas. Xozirda Chong Chempionship vakili hisoblangan “Birmingem” sharafini himoya qilmoqda. Menimcha MYU undan voz keadigan payti yetib keldi.
Eynjel Gomes 21 yosh.
Yana bir MYU tarbiyalanuvchisi. 2017 yilda professional futbolda paydo bo‘lgan futbolchi ilk ikki mavsumida 27 daqiqagina maydonda harakat qilgan. Sababi u paytlarda Eynjel hali juda yosh edi. Maydondagi harakatlari va jismoniy ko‘rsatkichlari bilan Leo Messini eslatuvchi ingliz 2019-2020 yilgi mavsumda o‘zini ko‘rsata oldi. O‘sha mavsumda MYU safida u 13 o‘yin o‘tkazib 4 gol va 2 assistni o‘z hisobiga yozdirib qo‘ydi. Ammo tushanarsiz qaror tufayli “mankunianliklar” vunderkindni “Lill”ga arzimagan summaga sotib yubordi.
“Lill” Gomesni harid qiliboq “Boavishta”ga ijaraga berib yubordi. Yosh iqtidor egasi Portugaliya klubida 33 o‘yin o‘tkazib 6 gol va shuncha assistni o‘z hisobiga yozdirdi. Uning o‘yinidagi sifatni ko‘rgan fransuz klubi keyingi mavsum uni ortga qaytardi va uni asosiy tarkibda o‘ynata boshladi. Yosh ingliz kecha “Lill” safida faoliyatidagi eng katta sovrinni yutdi. Negaki undan Leo Messi libosini so‘radi. Menimcha, bunday xolat ko‘plab yosh futbolchilar uchun orzu bo‘lsa kerak.
Meyson Grinvud 20 yosh.
MYU akademiyasining so‘nggi yillardagi eng iqtidorli tarbiyalanuvchisi so‘zsiz – Grinvud. 20 yoshda dunyoning eng kuchli va mashxur klublaridan biri safida u 120dan ortiq o‘yin o‘tkazgan va 35 golga mualliflik qilgan. Shu statistikaning o‘ziyoq uning qay darajada iqtidorli ekanligini anglatadi. 19 yoshida terma jamoadan chaqiruv olish ham ko‘pchilikka orzu bo‘lgan bo‘lsa kerak.
U MYU asosiy jamoasida porlagan paytlari maktab o‘quvchisi edi. Darslardan so‘ng mashg‘ulot o‘tkazish uchun jamoa tarkibiga borib qo‘shilar edi. Menimcha u paytlar Meyson hali beg‘ubor bolakay bo‘lgan.
Afsuski ushbu yil boshida Meyson zo‘ravonlikda ayblandi va bu uning faoliyatiga daxshatli ta’sir o‘tkazdi.
“Manchester Yunayted” avvaldan akademiyasidan ajoyib futbolchilar yetishtirib chiqargan. Ammo so‘nggi yillarda ulardan chiqayotgan iqtidorlar o‘zini ko‘rsatishga qiynalishmoqda(Reshforddan tashqari). MYU kattaroq sovrin yuta olishi uchun balki akademiya faoliyatiga jiddiyroq nazar tashlashi kerakdir?
Mirjalol Pardaboyev tayyorladi.
