«Pari Sen-Jermen» fan-klubi klubga nisbatan o‘z noroziligi izhor qilishdi.

«Klub uzoq vaqtdan beri bizga taklif qilib kelgan imijni endi biz qo‘llab-quvvatlamaymiz. Yulduzlarni yig‘adigan bu jamoa oqibatlarni inobatga olmasdan taltaygan bolaga o‘xshaydi. Klub haddan tashqari ko‘p narsani orzu qilayotgani uchun ichki sovrinlardan voz kechmoqda. Go‘yoki mavsum fevral oyidan boshlanadi. Biz endi bu jamoani tan olmaymiz. Bugun sabr kosamiz to‘ldi. Ko‘p marta hafsalamiz pir bo‘lgan bo‘lsa-da, biz shu paytgacha baroqaror ravishda jamoani qo‘llab-quvvatlab keldik. Bugun biz bong uramiz. O‘yinchilar, murabbiylar, uyg‘oning, ko‘zingizni oching. Aks holda umidimiz puchga chiqishda davom etadi. Bizni va klubni hurmat qiling», — deyiladi «PSJ» fan-klubi tarqatgan bayonotda.

«PSJ» ayni paytda 56 ochko bilan Fransiya chempionatida yakka peshqadam bo‘lib turibdi. Jamoa Fransiya kubogi nimchorak final bosqichida «Nissa»ga imkoniyatni boy berib, musobaqani tark etdi. Parijliklar Yevropa chempionlar ligasi 1/8 final bosqichida "Real" bilan to‘qnash kelishadi.