"Nyukasl" o‘z tarbiyalanuvchisini asosiy jamoa tarkibiga jalb etdi. Xabarlarga ko‘ra, 18 yoshli Maykl Ndiveni klub stadionida birinchi tarkib futbolchilari bilan mashg‘ulot o‘tkazgan.

Endilikda hujumchi Eddi Xaudan unga imkon berishini kutmoqda. Ndiveni jamoaning 18 yoshlilar tarkibida 17 ta bahsda 17 ta gol urishga erishgan.

U bu borada mutlaq peshqadam hisoblanadi. Xabarda agar yosh hujumchi asosiy jamoada o‘zini ko‘rsata olsa, u Kallum Uilson o‘rnini egallashi mumkinligi aytilgan.