Parijliklar kelasi yozda "Lion" yarim himoyachisi Lukas Paketani qo‘lga kiritish uchun bor kuchini sarflaydi. Qayd etilishicha, ushbu transferga shaxsan “parijliklar”ning sport direktori Leonardo qiziqmoqda.
"PSJ" Braziliya terma jamoasi futbolchisi uchun "Lion"ga 80 million yevro to‘lashga tayyor. Qayd etilishicha, bu summaning 10 millioni Paketaning avvalgi klubi, uni Yevropaga olib kelgan Italiyaning "Milan"iga tushishi mumkin.
Joriy mavsumda braziliyalik futbolchi Fransiya chempionatida 21 ta o‘yin o‘tkazib, 3 ta gol va 3 ta golli uzatmaga mualliflik qilgan. Avgust oyida futbolchi 24 yoshga to‘ladi.
