Londonning "Chelsi" klubi yordamchi murabbiyi Jolt Lev klublar o‘rtasidagi Jahon chempionati yarim final doirasida «Al Xilol» (1:0) jamoasi ustidan qo‘lga kiritilgan g‘alabadan keyingi fikrlari bilan o‘rtoqlashdi.

«Biz qattiq mehnat qildik, lekin bizga erkinlik va ritm yetishmadi. O‘yinni boshida biroz asabiylashdik, oddiy narsalarni ham uddalay olmadik. Maydonda yechib topish uchun kurashdik, ammo buni oson yo‘l bilan hal eta olmadik.

Turnir finaliga yo‘l olish – klub uchun juda muhim. Hali turnirni yutganimiz yo‘q. Shu sababli, futbolchilarda bosim sezildi, biroq ular bugun yaxshi o‘ynadi va gol o‘tkazib yubormadik. Ikkinchi golni kiritishga ham imkoniyatlarimiz bo‘ldi.

Tanaffus paytida Tomas bilan gaplashdik. Bu yaxshi suhbat bo‘ldi, unda ham xuddi bizdagi taasuroot bor edi. Asabiylashayotganimizni va oddiy to‘plarni yo‘qotayotganimizni aytdi.

Tomas tanaffus paytida futbolchilarni tinchlantirishga harakat qildi. Tuxel bilan suhbat foydali bo‘ldi va u bizga yordam berdi.

Umid qilamizki, u tezroq safimizga yetib keladi. Biz uni kutyapmiz. Aminmanki, u ham finaldan zavq oladi», – dedi Lev.