Лондоннинг "Челси" клуби ёрдамчи мураббийи Жольт Лев клублар ўртасидаги Жаҳон чемпионати ярим финал доирасида «Ал Хилол» (1:0) жамоаси устидан қўлга киритилган ғалабадан кейинги фикрлари билан ўртоқлашди.

«Биз қаттиқ меҳнат қилдик, лекин бизга эркинлик ва ритм етишмади. Ўйинни бошида бироз асабийлашдик, оддий нарсаларни ҳам уддалай олмадик. Майдонда ечиб топиш учун курашдик, аммо буни осон йўл билан ҳал эта олмадик.

Турнир финалига йўл олиш – клуб учун жуда муҳим. Ҳали турнирни ютганимиз йўқ. Шу сабабли, футболчиларда босим сезилди, бироқ улар бугун яхши ўйнади ва гол ўтказиб юбормадик. Иккинчи голни киритишга ҳам имкониятларимиз бўлди.

Танаффус пайтида Томас билан гаплашдик. Бу яхши суҳбат бўлди, унда ҳам худди биздаги таасуроот бор эди. Асабийлашаётганимизни ва оддий тўпларни йўқотаётганимизни айтди.

Томас танаффус пайтида футболчиларни тинчлантиришга ҳаракат қилди. Тухель билан суҳбат фойдали бўлди ва у бизга ёрдам берди.

Умид қиламизки, у тезроқ сафимизга етиб келади. Биз уни кутяпмиз. Аминманки, у ҳам финалдан завқ олади», – деди Лев.