"PSJ" bosh murabbiyi Maurisio Pochettino bilan mavsum yakuniga qadar xayrlashishi mumkin. Argentinalik mutaxassisning taqdiri jamoaning joriy Chempionlar ligasidagi o‘yiniga bog‘liq.

Parij grandi xo‘jayinlari, agar mutaxassis "PSJ"ni yevrokubokning chorak finaliga olib chiqa olmasa, uni muddatidan avval iste’foga chiqarishi mumkin. Chempionlar ligasining 1/8 finalida fransuz klubi Madridning “Real” klubiga qarshi maydonga tushadi. O‘yinlar 15 fevral va 9 mart kunlari bo‘lib o‘tadi.

OAVda anchadan beri Parij Pochettinoning ishidan norozi ekani haqidagi mish-mishlar tarqalmoqda. Mish-mishlarga ko‘ra, argentinalik APLga qaytishi mumkin, uning xizmatlariga "Manchester Yunayted" qiziqmoqda.