Yangi mavsumga astoydil tayyorgarlik olib borayotgan "Qo‘qon-1912" jamoasi, futbolchilar bilan rasmiy shartnomalar imzolashni ham davom ettirmoqda.
Xususan jamoa yetakchilaridan biri, 23 yoshgacha bo‘lgan futbolchilar o‘rtasida Osiyo chempioni, "Mard o‘g‘lon" ordeni sohibi, Oybek Rustamov bilan tuzilgan shartnoma 2024 yilga qadar uzaytirildi.
Allaqachon "shunqorlar"ning himoya va yarim himoyada birdek harakat qila oladigan universal futbolchisiga aylangan Rustamov yana ikki yilni Qo‘qonda o‘tkazadigan bo‘ldi.