Madridning «Real» klubi o‘z rasmiy saytida «Chelsi» himoyachisi Mark Kukurelya transferini e’lon qildi. Tomonlar olti mavsumga — 2032 yilgacha mo‘ljallangan shartnoma imzoladilar.

Avvalroq OAVda «Real» Kukurelya uchun 55 million yevro to‘lashi haqida xabar berilgan edi. Bundan tashqari, Markning «Real»dagi yutuqlari uchun «Chelsi» bonuslar tariqasida yana 5 million yevro olishi mumkin.

Yakunlangan mavsumda Kukurelya barcha musobaqalarda 50 ta o‘yinda maydonga tushib, bitta gol va to‘rtta golli uzatmani amalga oshirdi. Futbolchining klub bilan amaldagi mehnat shartnomasi 2029 yilning yozigacha mo‘ljallangan edi. Transfermarkt portalida berilgan ma’lumotlarga ko‘ra, futbolchining bozor qiymati 50 million yevroni tashkil etadi.