Мадриднинг «Реал» клуби ўз расмий сайтида «Челси» ҳимоячиси Марк Кукурелья трансферини эълон қилди. Томонлар олти мавсумга — 2032 йилгача мўлжалланган шартнома имзоладилар.
Аввалроқ ОАВда «Реал» Кукурелья учун 55 миллион евро тўлаши ҳақида хабар берилган эди. Бундан ташқари, Маркнинг «Реал»даги ютуқлари учун «Челси» бонуслар тариқасида яна 5 миллион евро олиши мумкин.
Якунланган мавсумда Кукурелья барча мусобақаларда 50 та ўйинда майдонга тушиб, битта гол ва тўртта голли узатмани амалга оширди. Футболчининг клуб билан амалдаги меҳнат шартномаси 2029 йилнинг ёзигача мўлжалланган эди. Transfermarkt порталида берилган маълумотларга кўра, футболчининг бозор қиймати 50 миллион еврони ташкил этади.
