"PSJ" bosh murabbiyi Maurisio Pochettino Lionel Messi tez orada Parij klubida o‘zining eng yaxshi o‘yinini ko‘rsatishiga ishonch bildirmoqda.
- Messi daho. U 100 yilda bir marta tug‘iladigan futbolchilardan biri. Leo jamoaga olib kelgan hamma narsa aqlbovar qilmas edi, ayniqsa u kelganidan beri boshidan kechirgan vaziyatlarni hisobga olsak. Messi aqlbovar qilmaydigan etuklik davrida. U o‘zining eng yaxshi tomonlarini ko‘rsatishiga shubham yo‘q. Messini hamma biladi. U 20 yildan beri "Barselona"da o‘ynadi. Raqobatbardoshlik uning genlarida bor, u hamma narsada g‘alaba qozonishni xohlaydi, hatto mashg‘ulotlarda ham. Bu uning DNKsi" - dedi Pochettino Cadena Ser bilan suhbatda.