Norvegiya va Dortmundning «Borussiya» klubi hujumchisi Erling Xoland faoliyatini «Real»da davom ettiradi, deya xabar beradi Germaniyaning BILD nashri.
Manbaga ko‘ra, qirollik klubi hujumchi uchun kurashda g‘alaba qozongan. Norvegiyalik o‘z tanlovini madridliklar foydasiga hal qildi.
Qayd etilishicha, hozir asosiy savol Xolandning «Real» bilan qachon shartnoma imzolashi: 2022 yilning yozidami yoki 2023 yilning yozida.
Oldinroq «Real Madrid» ham, «Borussiya» ham transfer 2023 yilda amalga oshishini xohlayotgani xabar qilingandi.
Joriy mavsumda Xoland Bundesligada 14 ta o‘yinda maydonga tushib, 16 ta gol va 5 ta golli uzatmani amalga oshirdi.
