Норвегия ва Дортмунднинг «Боруссия» клуби ҳужумчиси Эрлинг Холанд фаолиятини «Реал»да давом эттиради, дея хабар беради Германиянинг BILD нашри.
Манбага кўра, қироллик клуби ҳужумчи учун курашда ғалаба қозонган. Норвегиялик ўз танловини мадридликлар фойдасига ҳал қилди.
Қайд этилишича, ҳозир асосий савол Холанднинг «Реал» билан қачон шартнома имзолаши: 2022 йилнинг ёзидами ёки 2023 йилнинг ёзида.
Олдинроқ «Реал Мадрид» ҳам, «Боруссия» ҳам трансфер 2023 йилда амалга ошишини хоҳлаётгани хабар қилинганди.
Жорий мавсумда Холанд Бундеслигада 14 та ўйинда майдонга тушиб, 16 та гол ва 5 та голли узатмани амалга оширди.
