Madridning “Real” klubi bosh murabbiyi Karlo Anchelotti Chempionlar ligasi 1/8 doirasidagi “PSJ”ga qarshi o‘yindan oldin fikrlari bilan o‘rtoqlashdi.
"Biz ertangi o‘yin oldidan o‘zimizga ishonch yuqori. Bu o‘yin Chempionlar ligasi finali kabi bo‘lishi uchun yetarli darajadagi zo‘r o‘yin bo‘ladi. Biz kubok uchun kurashda asosiy raqiblarimizdan birini mag‘lub etishga tayyormiz. Benzema ertaga maydonga tushadimi yoki yo‘qmi, birgalikda hal qilamiz. Biz uning o‘yinini juda sog‘indik.
Bizda bo‘lgan yagona bosim – “PSJ “kabi buyuk jamoaga duch kelish. Ammo bu bosimdan ko‘ra ko‘proq motivasiya bor. Bu o‘yinga tayyorgarlik ko‘rish qiyin emas, barcha o‘yinchilarning imkoniyati yuqori darajada. O‘ylaymanki, 4-3-3 sxemasi o‘zgarmaydi, lekin biz o‘ngda boshqa yarim himoyachi bilan o‘ynashimiz mumkin. “PSJ” eng yaxshi klublardan biri, ularning bosimiga dosh berish oson emas. Pochettino — ajoyib murabbiy”, - deydi mutaxassis.
"PSJ" - "Real" uchrashuvi 15 fevral kuni bo‘lib o‘tadi.
