Мадриднинг “Реал” клуби бош мураббийи Карло Анчелотти Чемпионлар лигаси 1/8 доирасидаги “ПСЖ”га қарши ўйиндан олдин фикрлари билан ўртоқлашди.

"Биз эртанги ўйин олдидан ўзимизга ишонч юқори. Бу ўйин Чемпионлар лигаси финали каби бўлиши учун етарли даражадаги зўр ўйин бўлади. Биз кубок учун курашда асосий рақибларимиздан бирини мағлуб этишга тайёрмиз. Бензема эртага майдонга тушадими ёки йўқми, биргаликда ҳал қиламиз. Биз унинг ўйинини жуда соғиндик.

Бизда бўлган ягона босим – “ПСЖ “каби буюк жамоага дуч келиш. Аммо бу босимдан кўра кўпроқ мотивация бор. Бу ўйинга тайёргарлик кўриш қийин эмас, барча ўйинчиларнинг имконияти юқори даражада. Ўйлайманки, 4-3-3 схемаси ўзгармайди, лекин биз ўнгда бошқа ярим ҳимоячи билан ўйнашимиз мумкин. “ПСЖ” энг яхши клублардан бири, уларнинг босимига дош бериш осон эмас. Почеттино — ажойиб мураббий”, - дейди мутахассис.

"ПСЖ" - "Реал" учрашуви 15 феврал куни бўлиб ўтади.