"PSJ" "Manchester Yunayted" hujumchisi Krishtianu Ronalduni o‘z safiga qo‘shib olmoqchi emas, deb xabar beradi "AS".

Manbaga ko‘ra, parijliklar klubi rahbariyati portugaliyalik futbolchining agenti bilan muzokara o‘tkazmagan. "PSJ" ayni damda hujumchi Kilian Mbappe bilan shartnomani uzaytirishga bor e’tiborini qaratmoqda.

37 yoshli Ronaldu joriy mavsumda barcha turnirlarda 27 ta o‘yinda maydonga tushib, 14 ta gol urdi va 3 ta golga assistentlik qildi.

Uning "Manchester Yunayted" bilan shartnomasi 2023 yilning yoziga qadar mo‘ljallangan.