Transfermarkt portali 2021/22 yilgi Chempionlar Ligasi nimchorak finalida to‘p surayotgan eng qimmat futbolchilardan iborat ramziy jamoani e’lon qildi.
Undan «PSJ»ning uch nafar o‘yinchisi o‘rin olgan bo‘lsa, «Liverpul» va «Manchester Siti»ning ikki nafardan vakili top-11 likdan joy oldi. Tarkibning umumiy qiymati 1,005 milliard yevroni tashkil etdi.
Eng qimmat futbolchi «PSJ» vakili Kilian Mbappe hisoblanadi. Fransiyalik hujumchining transfer bahosi 160 million yevro etib belgilangan.
Transfermarkt talqiniga ko‘ra Chempionlar Ligasi nimchorak finalining eng qimmat futbolchilaridan iborat ramziy terma jamoa:
Darvozabon: Janluijji Donnarumma («PSJ»);
Himoyachilar: Alfonso Devis («Bavariya»), Ruben Diash («Manchester Siti»), Markinyos («PSJ»), Trent-Aleksandr Arnold («Liverpul»);
Yarim himoyachilar: Vinisius Junior («Real»), Muhammad Saloh («Liverpul»), Brunu Fernandesh («Manchester Yunayted»), Kevin de Bryuyne («Manchester Siti»);
Hujumchilar: Romelu Lukaku («Chelsi»), Kilian Mbappe («PSJ»).
