"Qo‘qon-1912" jamoasining Toshkent shahridagi o‘quv-yig‘in mashg‘ulotlari qizg‘in tarzda davom etmoqda.
Futbolchilar bugun kunning birinchi yarmida normativ testlarni topshirishdi. Kunning ikkinchi yarmida esa Toshkent viloyatida joylashgan "Do‘stlik" stadionida mashg‘ulotlar bo‘lib o‘tdi. Mashg‘ulotlarda 25 nafar futbolchilar ishtirok etishdi.
Quvonarlisi jamoaning universal futbolchisi Oybek Rustamov jarohatidan qutulib asosiy tarkib mashg‘ulotlariga qo‘shilgan. Xujumchi Shaxzodbek Nurmatov esa alohida mashg‘ulotlarda ishtirok etmoqda. Shuningdek jamoaning yosh yulduzi Murodjon Komilov terma jamoa yig‘inidan qaytib jamoa ixtiyoriga qo‘shildi. Barcha futbolchilarning kayfiyatlari a’lo darajada bo‘lib, ular tezroq chempionat o‘yinlari boshlanishini kutishyapti.
Ertaga "shunqorlar" nazorat o‘yinida maydonga tushishadi. Muborakning "Mash’al" jamoasiga qarshi bo‘lib o‘tadigan bu uchrashuv "Do‘stlik" stadionida, soat 14:00da boshlanadi.
