"Қўқон-1912" жамоасининг Тошкент шаҳридаги ўқув-йиғин машғулотлари қизғин тарзда давом этмоқда.
Футболчилар бугун куннинг биринчи ярмида норматив тестларни топширишди. Куннинг иккинчи ярмида эса Тошкент вилоятида жойлашган "Дўстлик" стадионида машғулотлар бўлиб ўтди. Машғулотларда 25 нафар футболчилар иштирок этишди.
Қувонарлиси жамоанинг универсал футболчиси Ойбек Рустамов жароҳатидан қутулиб асосий таркиб машғулотларига қўшилган. Хужумчи Шахзодбек Нурматов эса алоҳида машғулотларда иштирок этмоқда. Шунингдек жамоанинг ёш юлдузи Муроджон Комилов терма жамоа йиғинидан қайтиб жамоа ихтиёрига қўшилди. Барча футболчиларнинг кайфиятлари аъло даражада бўлиб, улар тезроқ чемпионат ўйинлари бошланишини кутишяпти.
Эртага "шунқорлар" назорат ўйинида майдонга тушишади. Муборакнинг "Машъал" жамоасига қарши бўлиб ўтадиган бу учрашув "Дўстлик" стадионида, соат 14:00да бошланади.