"Tottenxem" ustozi Antonio Konte klubning qishki transferlar oynasidagi harakatiga munosabat bildirdi. U shunday dedi:
"Hamma ko‘rdi - yanvar oyi biz uchun oson o‘tgani yo‘q. Biz to‘rtta muhim futbolchining jamoadan ketishini guvohi bo‘ldik. Ikkita futbolchi esa jamoaga kelib qo‘shildi. Shunday ekan, har tomondan olib qaraganingizda ham jamoa nisbatan kuchsizlangan bo‘lib chiqadi. Ha, Bentankur hamda Kulusevski klub uchun ideal kelajak hozirlash yo‘lida xarid qilindi. Ammo u kelajak, bugun emas. "Tottenxem" ayni damda yoshlarga ko‘proq e’tibor bermoqda. Bizga tayyor emas, balki o‘sadigan futbolchi kerak. Ayni damdagi jamoa falsafasi shundan iborat".
Eslatib o‘tamiz, "shporlar" kelasi turni safarda "Man Siti"ga qarshi o‘tkazadi.
