"Тоттенхэм" устози Антонио Конте клубнинг қишки трансферлар ойнасидаги ҳаракатига муносабат билдирди. У шундай деди:

"Ҳамма кўрди - январь ойи биз учун осон ўтгани йўқ. Биз тўртта муҳим футболчининг жамоадан кетишини гувоҳи бўлдик. Иккита футболчи эса жамоага келиб қўшилди. Шундай экан, ҳар томондан олиб қараганингизда ҳам жамоа нисбатан кучсизланган бўлиб чиқади. Ҳа, Бентанкур ҳамда Кулусевски клуб учун идеал келажак ҳозирлаш йўлида харид қилинди. Аммо у келажак, бугун эмас. "Тоттенхэм" айни дамда ёшларга кўпроқ эътибор бермоқда. Бизга тайёр эмас, балки ўсадиган футболчи керак. Айни дамдаги жамоа фалсафаси шундан иборат".

Эслатиб ўтамиз, "шпорлар" келаси турни сафарда "Ман Сити"га қарши ўтказади.