"Arsenal" o‘z uy stadionini yangilash va zamonaviylashtirish borasida ishlar olib bormoqda. Bu haqida klub ijrochi direktori Vinay Venkatesh aytib o‘tdi.
Unga ko‘ra, o‘yingohning tomi butunlay yangilanadi va almashtiriladi. Shuningdek, stadionning tashqi tomonidagi maxsus tasvir va bannerlar ham yangilanadi.
Qolaversa, stadionga kirishda joylashgan turniket qurilmalari ham zamonga moslanadi. Loyihadan yoritish moslamalarini almashtirish ham joy olgan.