«Barselona» himoyachisi Serxi Robertoning kelajagi hali ham noaniqligicha qolmoqda, deb xabar beradi Diario Sport nashri. Manbaga ko‘ra, shartnomani uzaytirish bo‘yicha olib borilayotgan muzokaralar to‘xtab qolgan.

Eslatib o‘tamiz, Roberto «Barselona»da qolishi uchun maoshini kamida 50 foizga kamaytirishi kerak, chunki klub hali ham moliyaviy muammolarni boshdan kechirmoqda. Bosh murabbiy Xavi futbolchini qolishini istamoqda.

Himoyachi va klub o‘rtasidagi amaldagi kelishuv 2022 yilning yoziga qadar mo‘ljallangan.

Joriy mavsumda Serxi La Ligada 9 ta o‘yinda maydonga tushib, 2 ta gol va 1 ta golli uzatmani amalga oshirdi.