“Milan” hujumchisi Zlatan Ibragimovich klub bilan shartnomasini uzaytirishi mumkin, deya xabar bermoqda Sportmediast.

Manbaning xabariga ko‘ra, milan klubi 40 yoshli shvedga yangi shartnoma taklif qilishga tayyor. Shu bilan birga, futbolchi maoshini kamaytirishga majbur bo‘ladi - hozirda forvard yiliga 7 million yevro oladi, yangi shartnomaga ko‘ra, milanliklar 3 million yevro to‘lashga tayyor. Uchrashuvlar va gollar uchun bonuslarni hisobga olsak, bu summa yiliga 5 million yevrogacha ko‘tarilishi mumkin.

Ibrahimovich joriy mavsum A Seriyada 15 ta o‘yinda maydonga tushib, 8 ta gol urdi va 2 ta golli uzatmani amalga oshirdi.