«Fiorentina» «Manchester Yunayted» himoyachisi Diogo Dalotga qiziqish bildirmoqda. La Nazione nashri tarqatgan xabarga ko‘ra, «Manchester Yunayted» Dalotni mavsum oxirida 12 million yevroga sotishga tayyor.

Biroq «Fiorentina» futbolchini arzonroq narxda sotib olishga harakat qiladi va «Manchester Yunayted» bilan muzokara boshlashni rejalashtirmoqda.

Eslatib o‘tamiz, o‘tgan mavsumni Portugaliya terma jamoasi futbolchisi «Milan»da ijarada o‘tkazgan va «MYU» bilan 2023 yilgacha shartnoma imzolagan edi.

Dalot «Manchester Yunayted»ga 2018 yilning iyun oyida «Portu»dan kelib qo‘shilgan va uning transfer summasi 19 million funtni tashkil qilgandi.