«Фиорентина» «Манчестер Юнайтед» ҳимоячиси Диого Далотга қизиқиш билдирмоқда. La Nazione нашри тарқатган хабарга кўра, «Манчестер Юнайтед» Далотни мавсум охирида 12 миллион еврога сотишга тайёр.
Бироқ «Фиорентина» футболчини арзонроқ нархда сотиб олишга ҳаракат қилади ва «Манчестер Юнайтед» билан музокара бошлашни режалаштирмоқда.
Эслатиб ўтамиз, ўтган мавсумни Португалия терма жамоаси футболчиси «Милан»да ижарада ўтказган ва «МЮ» билан 2023 йилгача шартнома имзолаган эди.
Далот «Манчестер Юнайтед»га 2018 йилнинг июнь ойида «Порту»дан келиб қўшилган ва унинг трансфер суммаси 19 миллион фунтни ташкил қилганди.