"Sherlar"ning Belek shahrida 15 kun davom etgan yig‘ini nihoyasiga yetdi va yakshanba kuni jamoamiz Toshkentga qaytib keladi.
Bosh murabbiy Slavche Voyneski ushbu yig‘inda asosiy tarkibdagi barcha futbolchini ko‘zdan kechirish imkoniyatiga ega bo‘ldi. Yanvar oyidagi yig‘inda milliy terma jamoaga jalb etilgan o‘yinchilar ishtirok etishmagandi. Tashkil etilgan nazorat o‘yinlari orqali esa jamoaviy o‘yinni va o‘zaro tushunish darajasini yaxshilashga e’tibor berildi.
Nazorat o‘yinlarida quyidagi natijalar qayd etildi:
"Minay" (Ukraina) - 1:0
"Ufa" (Rossiya) - 1:1
"Dinamo" (Gruziya) - 0:3
"Dinamo" (Ukraina) - 0:0
Mavsumni "Paxtakor" 27 fevral kuni Yaypanda "Nasaf"ga qarshi o‘tadigan O‘zbekiston Superkubogi uchrashuvi bilan boshlaydi. Superliganing ilk turida esa "Sherlar" 3 mart kuni Samarqandga safar qiladi va "Dinamo"ga qarshi maydonga tushadi.
