«Chelsi» yarim himoyachisi Jorjinyo London klubiga o‘tishi haqida gapirdi.
«Men «Chelsi»ga emas, boshqa ingliz klubga o‘tishim kerak edi. Lekin hammasi men o‘ylagandek bo‘lmadi va men «Chelsi»ga o‘tdim. Hamma narsa juda tez sodir bo‘ldi. «Chelsi»dan taklif olganimni ko‘rganimda, men qaror qabul qilib bo‘lgan edim!», - deya fikr bildiradi futbolchi.
Jorjinyo 2018 yilning yozida «Napoli»dan «Chelsi»ga o‘tgan edi. Transfer summasi 57 million yevroni tashkil qilgan. Shu kungacha 30 yoshli yarim himoyachi «ko‘klar» safida 173 ta o‘yinda maydonga tushib, 26 ta gol va 5 ta golli uzatmani amalga oshirdi.
