Yangi mavsumda Turkiyada tayyorgarlik ko‘rayotgan "Andijon" jamoasi kecha navbatdagi nazorat uchrashuvini Rossiyaning «Olimp»(Dolgoprudniy) jamoasiga qarshi o‘tkazdi. Uchrashuvda andijonlik futbolchilar 0:1 hisobida mag‘lubiyatga uchradi.
Ushbu bellashuv yakuniga yetgach, "Andijon" jamoasi bosh murabbiyi Viktor Kumikov uchrashuv haqidagi fikrlari bilan o‘rtoqlashdi:
- Bugun o‘quv-yig‘in mashg‘ulotlarida o‘tkazgan barcha o‘rtoqlik uchrashuvlarida g‘alaba qozonayotgan jamoaga qarshi maydonga tushdik. Garchi, mag‘lubiyatga uchragan bo‘lsakda, jamoamning ko‘rsatgan o‘yinidan qoniqdim. O‘yin mobaynida yetarlicha vaziyatlar yarata olgan bo‘lsakda, yagona muammo - gol kirita olmadik. O‘quv-yig‘in mashg‘ulotlarining so‘nggi kunlarida yigitlarda charchoq alomatlari sezilmoqda. Jamoaning keyingi o‘yinlaridan bunday charchoq alomatlari sezilmaydi, chunki, jismoniy tayyorgarlik borasida berilayotgan yuklamalar kamaytirilmoqda" - dedi Kumikov.
