Янги мавсумда Туркияда тайёргарлик кўраётган "Андижон" жамоаси кеча навбатдаги назорат учрашувини Россиянинг «Олимп»(Долгопрудний) жамоасига қарши ўтказди. Учрашувда андижонлик футболчилар 0:1 ҳисобида мағлубиятга учради.
Ушбу беллашув якунига етгач, "Андижон" жамоаси бош мураббийи Виктор Кумиков учрашув ҳақидаги фикрлари билан ўртоқлашди:
- Бугун ўқув-йиғин машғулотларида ўтказган барча ўртоқлик учрашувларида ғалаба қозонаётган жамоага қарши майдонга тушдик. Гарчи, мағлубиятга учраган бўлсакда, жамоамнинг кўрсатган ўйинидан қониқдим. Ўйин мобайнида етарлича вазиятлар ярата олган бўлсакда, ягона муаммо - гол кирита олмадик. Ўқув-йиғин машғулотларининг сўнгги кунларида йигитларда чарчоқ аломатлари сезилмоқда. Жамоанинг кейинги ўйинларидан бундай чарчоқ аломатлари сезилмайди, чунки, жисмоний тайёргарлик борасида берилаётган юкламалар камайтирилмоқда" - деди Кумиков.
