Yarim himoyachi Ivan Perishich «Tottenxem»ning «radari»ga tushib qoldi. Ma’lum bo‘lishicha, London klubi bosh murabbiyi Antonio Konte uni o‘z jamoasida ko‘rmoqchi, deb xabar beradi Caught Offside nashri.
32 yoshli Perishich va «Inter» o‘rtasidagi yangi shartnoma imzolash borasidagi muzokara to‘xtab qolgan. Milanliklar har safar yangi bitim imzolashni ortga surib kelmoqda. Futbolchining klub bilan shartnomasi 2022 yilning yozida tugaydi. «Tottenxem» Perishichni erkin agent sifatida o‘z safiga qo‘shib olmoqchi va unga yiliga 5 million yevrodan ko‘proq maosh to‘lashga tayyor.
Joriy mavsumda Perishich Italiya chempionatida 23 ta o‘yin o‘tkazib, 5 ta gol urgan.
