ESPN nashri xabariga ko‘ra, «Real Madrid», «Barselona» va «Yuventus» yozda AQSHda bir qator o‘rtoqlik o‘yinlari o‘tkazishni rejalashtirmoqda.
Manbaga ko‘ra, klublar «Milan»ga mavsumoldi turnirda to‘rtinchi jamoa bo‘lishni ham taklif qilishgan. Uchrashuvlar o‘tkaziladigan joylar hali aniqlanmagan, ammo bu AQSHning g‘arbiy sohilida bo‘lishi rejalashtirilgan.
Nashrning ta’kidlashicha, «Real Madrid», «Barsa» va «Yuve» pandemiyadan keyin ko‘rgan katta yo‘qotishlarini qoplash uchun o‘rtoqlik o‘yinlaridan maksimal darajada foydalanishga harakat qilmoqda.
Koronavirusdan oldin har uch jamoa ham muntazam ravishda AQSHga o‘yinlar o‘tkazishgan, ammo so‘nggi ikki yil ichida ular sayohatlarini qisqartirishga majbur bo‘lishdi.
