ESPN нашри хабарига кўра, «Реал Мадрид», «Барселона» ва «Ювентус» ёзда АҚШда бир қатор ўртоқлик ўйинлари ўтказишни режалаштирмоқда.

Манбага кўра, клублар «Милан»га мавсумолди турнирда тўртинчи жамоа бўлишни ҳам таклиф қилишган. Учрашувлар ўтказиладиган жойлар ҳали аниқланмаган, аммо бу АҚШнинг ғарбий соҳилида бўлиши режалаштирилган.

Нашрнинг таъкидлашича, «Реал Мадрид», «Барса» ва «Юве» пандемиядан кейин кўрган катта йўқотишларини қоплаш учун ўртоқлик ўйинларидан максимал даражада фойдаланишга ҳаракат қилмоқда.

Коронавирусдан олдин ҳар уч жамоа ҳам мунтазам равишда АҚШга ўйинлар ўтказишган, аммо сўнгги икки йил ичида улар саёҳатларини қисқартиришга мажбур бўлишди.