"Barselona" hujumchisi Pyer-Emerik Obameyang maoshi kamayganiga qaramay, nima uchun "ko‘k-anorranglilar" safiga o‘tganiga izoh berdi.

"Albatta, bunday shartlar asosida "Barsa"ga o‘tishimga arzirli sabab bor edi. Men "Barselona"ni buyuk klub deb hisoblayman va bu jamoada to‘p tepishni juda ham istadim. Bunday imkoniyat hayotda bir marta bo‘ladi va men bu imkoniyatdan foydalandim".

Obameyang, shuningdek, "Atletiko"ga qarshi bahsdagi debyuti haqida to‘xtalib o‘tdi.

"Bu aql bovar qilmas vaziyat bo‘ldi. Bunday stadionda to‘p tepish so‘z bilan ta’riflab bo‘lmas hissiyotlarni beradi. Menga juda ham yoqdi. Juda zo‘r", - dedi Obameyang "Mundo Deportivo" nashriga bergan intervyusida.

Avvalroq tarqatilgan xabarga ko‘ra, Obameyang joriy mavsum oxiriga qadar 5 ming yevro haftalik maosh oladi. Yangi mavsumdan boshlab esa uning maoshi oshadi.

Eslatib o‘tamiz, gabonlik futbolchi "Valensiya"ga qarshi bahsda (4:1) "xet-trik"ka erishdi.