«Bavariya» hujumchisi Serj Gnabri klubdan maoshini katta miqdorda oshirishni talab qildi, deya xabar beradi Bayern & Germany nashri.

Manbaga ko‘ra, futbolchi yiliga 15-20 million yevro olmoqchi. Hujumchi Leroy Sane va Kingsli Koman bir xil miqdorda maosh olishni istamoqda. Biroq, ayni damda Gnabri va «Bavariya» yangi shartnoma bo‘yicha muzokara o‘tkazmayapti. Bu vaziyatni «Chelsi» va «Tottenxem» klublari kuzatib turibdi, agar nemis klubi va futbolchi o‘rtasida yangi shartnoma imzolanmasa, yuqoridagi ikki ingliz klubi «Bavariya»ga taklif jo‘natmoqchi.

26 yoshli Gnabri joriy mavsumda «Bavariya» safida barcha turnirlarda 31 ta o‘yinda maydonga tushib, 12 ta gol va 9 ta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.