«Бавария» ҳужумчиси Серж Гнабри клубдан маошини катта миқдорда оширишни талаб қилди, дея хабар беради Bayern & Germany нашри.

Манбага кўра, футболчи йилига 15-20 миллион евро олмоқчи. Ҳужумчи Лерой Сане ва Кингсли Коман бир хил миқдорда маош олишни истамоқда. Бироқ, айни дамда Гнабри ва «Бавария» янги шартнома бўйича музокара ўтказмаяпти. Бу вазиятни «Челси» ва «Тоттенхэм» клублари кузатиб турибди, агар немис клуби ва футболчи ўртасида янги шартнома имзоланмаса, юқоридаги икки инглиз клуби «Бавария»га таклиф жўнатмоқчи.

26 ёшли Гнабри жорий мавсумда «Бавария» сафида барча турнирларда 31 та ўйинда майдонга тушиб, 12 та гол ва 9 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.