APLning 20-tur qoldirilgan o‘yini doirasida "Arsenal" o‘z maydonida "Vulverxempton" jamoasini qabul qiladi.

"Kanonirlar" bosh murabbiyi Mikel Arteta ushbu uchrashuvdan oldingi fikrlari bilan o‘rtoqlashdi.

«Vulverxempton» juda barqaror jamoa - bu ko‘pchilik uchun o‘rnak. O‘ylaymanki, muvaffaqiyat siri to‘g‘ri transfer siyosatida, shuningdek, futbolchilarni bir joyga to‘plash uchun hamma narsani qilayotgan klub rahbariyatida.

Shubhasiz, ular bo‘lajak raqibimiz Chempionlar ligasiga yo‘llanma beradigan o‘rinlar uchun davogarlardan biri. O‘ylaymanki, bizni chempionat yakuniga qadar bo‘ladigan o‘ziga xos o‘yinlar kutmoqda. Tabiiyki, biz Chempionlar ligasi guruhiga chiqish niyatidamiz, chunki «Arsenal» doim eng yaxshilar bilan o‘ynashi kerak.

«Arsenal»ni yana yuqoriga olib chiqish uchun hamma narsani qilaman. Men Chempionlar ligasida o‘ynaganman va futbolchilarimga ham shuni tilayman. Bosimmi? Albatta, futbolchilar buni boshdan kechirmoqda, chunki biz bu turnirdan ancha vaqt chetda qolganmiz. Qolaversa, yigitlar hali yosh, ko‘nikmagan. Yaxshi mashq qilish va diqqatni jamlash juda muhim - shunda hammasi yaxshi bo‘ladi.

«Vulverxempton» bilan o‘yin oldidan bizda uzoq vaqtdan beri birinchi marta na jarohatlangan, na kasal o‘yinchilar yo‘q", - dedi ispaniyalik murabbiy "Arsenal" rasmiy saytiga.

Eslatib o‘tamiz, ushbu bahs 24 fevral soat 23:45 da boshlanadi.