* «Chelsi»ga mavsum so‘nggigacha APLda Jahon chempioni logosi bilan o‘ynashga ruxsat berildi. 2008, 2019 yillarda MYU va «Liverpul»ga bu borada ruxsat berilmagan edi;

* «Ayaks» forvardi Sebastyan Aller YECHLning ketma-ket 7 ta bahsida 11 ta gol urdi. Shularning beshtasi «Sporting» darvozasiga urilgan;

* "MYU" YECHL 1/8 finali doirasida «Atletiko»ga qarshi bahsning 1-taymida butun jamoa bo‘lib ham raqib jarima maydonchasida to‘pga tegina olmagan ekan;

* Kecha Angliya Premyer-ligasining bir qancha qoldirilgan bahslari o‘tkazildi. «Byornli» o‘z uyida sensasion tarzda «Tottenhem»ni 1:0 hisobida mag‘lubiyatga uchratgan bo‘lsa, "Kristal Pelas" safarda «Uotford»ni 1:4 hisobida yengdi;

* APL qoldirilgan o‘yini doirasida kecha «Liverpul» «Lids»ni 6:0 hisobida tor-mor etdi. O‘yinda Salah va Mane dubl qayd etdi;

* Kecha "MYU" safida gol urgan Elanga jamoaning YECHLdagi yubiley 500-golini urishga muvaffaq bo‘ldi;

* Elanganing goliga assistentlik qilgan Brunu Fernandesh YECHL tarixida 6 ta ketma-ket o‘yinda assist qayd etgan ilk futbolchiga aylandi;

* YECHL 1/8 finali doirasida Madridning «Atletiko» klubi "MYU"ni o‘z uyida qabul qildi va 1:1 hisobida durangga imzo chekdi. Feliksning tezkor goliga 80-daqiqada Elanga javob qaytardi;

* Parallelo‘yinda Lissabonning «Benfika» klubi «Ayaks»ni qabul qildi va 2:2 hisobida durangga imzo chekdi. O‘yinda Sebastyan Aller ham raqib darvozasiga ham o‘z darvozasiga to‘p kiritdi.